એક વાઇફની વેદના

(વ્યંગ કાવ્ય)

    - હરિભાઇ ડી. પટેલ ‘નાશાદ’

તમે   ફેસબુકમાં   ડુંભાળું   મેલાં,

આ ગેસ  ઉપર  ચા  થોડો  મેલાં.

સેલ્ફી ને  લાઇકની માથાકૂટ મૂકાં,

સગી આ વાઇફનો ફેસ જરા વાંચાં 1

તમાકુ ને ચૂનો પછી  તમે  ચાવાં,

પ્હેલાં આ  ભેંશની  આડી  આવાં.

મોબાઇલને ઘડી તો આઘો  મેલાં,

આ ખાંણ નીચે ડુંભાળું આઘું ઠેલાં.

બેચાર ચણીબોર તમે પણ ચાખાં,

આ  રોતાં  છોરાંને  છાનાં  રાખાં.

બસ કરો,પોસ્ટો હવે શેર કરવાનું,

જરા શીખાં,કેમ છોરાંનો ઉછેર કરવાનું !

આ કોમેન્ટ લખવાનું તૂત તમે છોડાં,

તમારી આ વાઇફ સારુ બે શબ્દો તો બોલાં !