About Blog

આંજણા દર્પણ (e-magazine)પર આપનું સ્વાગત છે.આ મેગેઝીન માટે લેખકો,કવિઓ અને યુવાનોને મૌલિક કાવ્યો, લેખો, ટૂંકી વાર્તાઓ,સમાચારો અને અભિપ્રાયો વગેરે લખી મોકલવા વિનંતી છે.સાહિત્ય મોકલવાનું gmail id - haridpatelaniod@gmail.com છે-સંપાદક હરિભાઇ પટેલ-શ્રી અખિલ આંજણા(ચૌધરી) કેળવણી ઉત્તેજક મંડળ,તલોદ,જિ.સાબરકાંઠા,ઉત્તર ગુજરાત-૩૮૩૨૧૫(ભારત)"
Image

" ખાસ સૂચના : ટેકનિકલ ફેરફારોને લીધે આ બ્લોગનાં અમુક પેજ ખૂલતાં નથી.જેથી હાલ આ બ્લોગ અપડેટ કરવામાં આવી રહ્યો છે.તારીખ : 01/01/2021 સુધીમાં તમામ અપડેટ કાર્ય પૂર્ણ થશે.તકલીફ બદલ ક્ષમા યાચના. -આપનો શુભેચ્છક - HARI PATEL"

૨. ભર્યા ખેતરે (કાવ્ય) - રામજી પટેલ

                     


                           
              ભર્યા ખેતરે 
                (કાવ્ય)

               -રામજી પટેલ


      ભર્યા ખેતરે ફર્યા સવારે
                બપોરના અટવાયા,
     ખાલીપો લઇ ગયા સીમમાં
               ખુદ અમે છલકાયા.
આકળવિકળ ઝાકળીયું  ને ફરતે તડકાવાડ,
પંખી બોલે  એકલવાયું અને  સાંભળે   ઝાડ.
      ઝાડ મ્હોરવા લાગ્યાં ને 
             મન વેલાને અથડાયા,
      ભર્યા  ખેતરે ફર્યા સવારે
                બપોરના અટવાયા.
અડખે પડખે આવળ બાવળ તડકા છાયા ચાલે,
ચાંદરણાં વીણવાની પળને કોઇ અજાણ્યું  સાલે. 
     મનની ભીતર ભેદ હતા ને
                ભારી ને ભરમાયા,
     ભર્યા  ખેતરે ફર્યા સવારે
                બપોરના અટવાયા.
શરમાવાનું સહજ થયું ત્યાં વળગી માટી મ્હેંક,
ગોફણમાં વીંઝાતો વગડો વરણાગી  તું   ફેક.
     ચોમાસાની મ્હેંક શ્વાસમાં
                પીંછું  થૈ   મલકાયા,
     ભર્યા  ખેતરે ફર્યા સવારે
               બપોરના અટવાયા.

-----------------------------------------
બી-૬૫,શીતલનાથ,પ્રભુ સોસયટી, 
કઠવાડા રોડ,નરોડા,અમદાવાદ 

               

No comments:

Post a Comment